قصة جزائرية واقعية 2017
كان عمرنا 5 سنين وقت لخرجنا انا وختي توام منال نلعبو .. نشفا عليها كيما ليوم كنا عند جدي .. كنا نلعبو غمايضة منال راحت تتخبا وانا نحسب .. مانعرفش نحسب مي كنت نسنا شوي ونقول منال تخبيييتيييي تقولي هي مزاااال .. كل مرة صوتها يبعد ، يبعد .. حتى سكت ! بديت نحوس عليها نحوس نحوس مكاش :( راح حال ومنال مابنتش خفت بزاف قلت لجدي كنا نلعبو ومنال راحت تتخبا وماحبتش تخرج ... جدي جمع جيران وبداو يحوسو .. دخلوني لدار ماما تبكي ويني ختك .. عيطت عليا بزاف ولامتني انت سبة كشما يصرا لختك انت سبة ! بكيت بزاف منال ولي منااال ....
الجزء الثاني 💖
وقت يفوت ببطئ قلبي يتقطع اطول ليلة فاتت عليا .. كتر من ليلة لعيد لي كنا انا ومنال نسناو صباح بفارغ صبر بش نلبسو قش لعيد .. يقولو توام يحسو بعضاهم هذا شي لي حسيتو من وقت مابعد صوت ختي منال وتقطع .. حسيت بحاجة في قلبي .. طلع صباح واحد من جيران يجري ويقول لقيتها .. لقييتها .. يما ماحكمتش رحها خرجت تجري منال لقاوها ميتة نصي تاني لقاوها طايحة في بير مكانش مغطي 😢 .. ماكنتش نفهم كلش وبت هداك كنت صغيرة مي علابالي بلي حاطة مش مليحة صرات لمنال 😞 منال ماتت وانا من تم بدا عدابي .. حياتي تبدلت حب لي كان معمر دارنا ولا كره وحقد عليا وش ذنبي انا :( والديا كرهوني خاصة يما كل يوم تضربني بابا مايحبش يقابلني ولا يقعد معايا .. داوني لدار جدي وخلاوني كنت نسمع يما تقول لجداتي ديها عليا مابقيتش نحمل نشوفها اديها قبل مانقتلها .. وينو حنانك يايما كنتي تمشطيلنا وتلبسيلنا كنتي تحبيني بزاف وش دنبي في موت ختي .. هان عليك قلبك طيشيني يا يما :( .. كبرت في دار جدي لا حنان لا حب من طرف والديا مايجيوش يزوروني كنت نتوحشهم بزاف ونحاول جدي يديني ليهم كل مرة كان يديني كانت يما ماتشوفش معايا وتعاملني كلي مكاش .. دخلت نقرا وكنت نقرا مليح ونخرج الاولى بش نفرحها نديلها شهاداتي تقطعهم وصلت لعمر 12 سنة وين فهمت بلي يما عمرها ما رح تحبني وعمرها ماتحن عليا
الجزء الثالث 💖
في عمر 12 بنت تحتاج يماها بزاف في حياتها كانو صحاباتي يحكيو يما شراتلي هك يما دارتلي هك طيبتلي هك .. كنت نشوف امهات مع ولادهم برا ابتسامة وعطف وحنانة كنت نتمنى نكون في مكانهم .. نشفا جداتي مرضت بزاف وتحتم على يما تجي عندها وتبقا معاها كنت نخاف حتى نقعد وين تقعد هي على خاطر كرهت رفضها ليا ومعاملة قاسية .. كنت نحمد ربي لي عندي جدي وجداتي صح ماعوضوليش حنانة يما مي عوضوني على حوايج بزاف ونحس بامان عندهم .. كنت خايفة يجي نهار تتحتم عليا نرجع لدارنا .. ماتت جداتي وخلاتني شكون بيا ! علاش يادنيا وش درت في حياتي بش نعيش هكا ! بقيت انا وجدي في دارو قايمتو ومع قرايتي من جيهة خلاف كان عندي امل بلي قرايتي هي لي رح تخلي يما تحبني .. عامين من ورا وفات جداتي لحق جدي حتى جدي وتخلى عليا بقيت بلا سند راح لي كان مصبرني وكان مصدر قوتي كان بمثابة بابا وقف معايا بزاف خاصة في قرايتي .. ظلمات دنيا في وجهي كتر وكتر وتحتمت عليا نعيش في دارنا كانت وصية تع جدي ليما انو نعيش معاهم ..
الجزء الرابع 💖
دخلت لدارنا اول مرة عندي عوام ماشفتش دارنا تبدلت بزاف طلعت لشومبرتي انا ومنال من صغري ماشفتهاش لقيت كلش كيما راه .. سرير تاعي وتعها تخربيشاتنا في حيوط لبسة تعنا مطبقة .. صح بيت ماتبدل فيها والو مي كانت نظيفة حسيت بلي يما كانت تنظفها كل يوم .. طلعت يما تجري وتعيط عليا اخرجي اخرجي بيت بنتي وش دخلك ليها .. حسيت موس في قلبي خرجت قفلت باب بمفتاح وقاتلي بالاكي تزيدي تفوتي لتم ! قالتلي دار واسعة .. كلمة ماخرجت من فمي رحت وحد لاشومبر بعيدة حطيت قشي فرزتها عدلتها .. حبيت نرقد ليل كامل ماقدرتش وانا نخمم في يوم لي ماتت فيه ختى بكيت بزاف تمنيت لوكان ماصراش وش صرا تخيلت حياتنا كون درك راني مع منال نحكيو ونضحكو تحكيلي سرها ونحكيلها سري مع والدينا وفرحة .. بقيت نحلم حتى رقدت .. فاتو ليام في هذيك دار كي لعوام كره تع يما وكل يوم تضربني كنت ديما محبوسة في غرفة تاعي نصلي ندعي ربي يفرج عليا .. في عامي تع باك فات عليااا صعيييب بزااف كامل لي يقراو معايا والديهم يدعموهم ويشجعوهم وانا كنت وحدي نقرا وحدي ونشجع روحي وحدي كنت نقول لروحي قرايتي برك لي رح تنفعني .. قريت وبدلت كامل مجهودي رغم حڨرة و كره وكلش مش مليح شفتو في حياتي نجحت جبت باك جبتو بتقدير مليح معدل يقدر يحققلي حلمي نولي طبيبة .. زغاريت في كل دار .. غير دارنا يما زغرتيلي رح نوليلك طبيبة .. لالا يما ماقيمتنيش وماشفتش فيا ڨاع كملت تخدم في شغل بيت كلي ماكان والو ...
الجزء الخامس 💖
كملت قرايتي في طب كنت من متفوقين ديما.. وكملت تخصص جراحة وليت نخدم الحمد الله ..حياتي في دار حاجة ماتبدلت كنت انا خيال لي حد مايشوفو حد مايقدر انجازاتي حد مايباركلي نجاحاتي ... والديا حطموني داخليا .. في وحد يوم روحت من سبيطار خلصت خدمة دخلت لدار يما في كوزينة كي عادة تخدم وقت لي كنت طالعة في دروج سمعت ماعن تكسرو ويما عيطت هبطت نجري ليها لقيتها طايحة في الارض قدمت ليها هزيتها من الارض وترافعت معاها حتى وصلتها لغرفتها فحصتها .. هذيك اول مرة نشوف وجها عن قرب من صغري ماشفتهاش اول مرة نشوف ملامحها لي بدا يبدلهم لكبر .. هزيت تلفون عيطت لبابا بش نطلعوها لسبيطار على خاطر ماعنديش معدات طبية في دارنا انا حطيت تلفون من حسيت بيد حكمتلي يدي . .. نعرفها لمسة هذي نعرفها عندها قداه يدي ماجاتش في يدها من صغري من وقت كنا انا ومنال نخرجو معاها ... ماعرفتش وش نعمل جبدت يدي لا اراديا قلتلها دك يجي بابا يديك لسبيطار .. كيما كان حال طلعناها لسبيطار وبعد فحصات عرفنا بلي عندها كونسار في راسها في مراحل متقدمة ...
الجزء السادس 💖
بدات رحلة علاج تع يما ووقفت معاها كنت انا طبيبة مسؤولة على حالتها الصحية و حبيت ندير شي لي نقدر عليه بش ترتاح .. رغم كلش دارتو فيا تبقا يما .. وحد يوم وصل وقت دواها رحت لاشومبر تعها مالقيتهاش حوست عليها حتى شفت باب لاشومبر تاعي وتع ختي مفتوحة قربت لباب حست بيا قاتلي ادخلي دخلت وانا مترددة قاتلي اقعدي قدامي.. اول مرة يما تعيطلي بحنانة وتقولي اقعدي قدامي .. قعدت بدات تحكيلي على صغرنا انا ومنال اول مرة خلقنا .. اول كلمة قلناها .. اول مرة مشينا .. كانت تضحك ساعات وتبكي ساعات وانا غير نشوف بعينيا مش مصدقة اذا هذي هي يما لي كانت تعاملني بقسوة .. وصلت لحكاية لي على جالها رانا في الحالة هدي سكتت شوي .. ومبعد قالتلي بلي كل ماتشوفني تشوف منال فيا وتتفكر ديما بلي منال ماتت .. بكات بزاف وبكاتني كي تفكرت وش فات عليا .. قولتلها وش دنبي اذا ماتت منال علاش ضيعتيلي حياتي شحال تمنيت نلحقها ومانعيشش لحياة هذي في هذيك ليلة فرغت قلبي وطلبت مني سماح وسامحتها وحضنتني ووعدتني بلي تعوضني على كلش في عمرها لي بقا كان علابالها بلي رح تموت ... بعد ليلة هذيك ذاب لجليد لي بيناتتا وطورت علاقتي بيها ولينا كل يوم مع بعضانا نخرجو ندورو .. نطبخو كيف كيف اخيرا حسييت بحنانتها و حبها ليا تبدلت حياتنا بزاف .. مام بابا طلب مني سماح وتصالحنا وعلاقتنا ولات كيما اي بنت وباباها ... جا يوم لي دير فيه يما عملية على ورم لي في راسها وصاتني قبل عملية اذا ماتت نروح لوحد باطة في بيت تعنا نلقاها تحت سرير تع منال .. وعدتها بلي مايصرالها والو وبلي رح ترتاح .. دخلت يما دير عملية ..وكنت انا من بين طقم جراحين لي رح يقومو بعملية .. .. ساعاتت وحنا مع عملية وخلصت ..
الجزء الاخير 💖
خلصت عملية والحمد الله كانت ناجحة .. وبقيت نستنا في يما تفطن بفارغ صبر .. كنت قدامها قاعدة حكمتلها يدها ونستنا .. حتى بدات تفطن وبدات تعيطلي باسمي .. قلتلها راني هنا معاك ماتخافيش يما .. قاتلي بصوت واطي وتحكي بلكلمة شفت منام مليح بزاف .. شفت منال كانت معانا في دارنا وحنا فرحانين كانت توصي فيا عليك و ... قاطعتها قلتلها يما مالازمش تحكي وتعيي روحك .. فاتو ليام يما تحسنت ورجعناها لدار وكملت فترة علاج تعها ورتاحت من مرض خبيث بمعجزة الحمد الله.. وعشنا حياة لي ماعشتهاش في صغري كلش عندي درك كيما كمت نحلم ونتمنى .. وحد نهار كنت قاعدة حتى تفكرت حكاية صندوق لي تحت سرير منال رحت بدافع فضول نعرف وش قصتو لقيت فيه ....
انا ملاك عمري 30 سنة وهذي هي حكايتي
____________
خلصت حكاية شكون يمدلنا فكرة على وش كاين في صندوق ؟!
كان عمرنا 5 سنين وقت لخرجنا انا وختي توام منال نلعبو .. نشفا عليها كيما ليوم كنا عند جدي .. كنا نلعبو غمايضة منال راحت تتخبا وانا نحسب .. مانعرفش نحسب مي كنت نسنا شوي ونقول منال تخبيييتيييي تقولي هي مزاااال .. كل مرة صوتها يبعد ، يبعد .. حتى سكت ! بديت نحوس عليها نحوس نحوس مكاش :( راح حال ومنال مابنتش خفت بزاف قلت لجدي كنا نلعبو ومنال راحت تتخبا وماحبتش تخرج ... جدي جمع جيران وبداو يحوسو .. دخلوني لدار ماما تبكي ويني ختك .. عيطت عليا بزاف ولامتني انت سبة كشما يصرا لختك انت سبة ! بكيت بزاف منال ولي منااال ....
الجزء الثاني 💖
وقت يفوت ببطئ قلبي يتقطع اطول ليلة فاتت عليا .. كتر من ليلة لعيد لي كنا انا ومنال نسناو صباح بفارغ صبر بش نلبسو قش لعيد .. يقولو توام يحسو بعضاهم هذا شي لي حسيتو من وقت مابعد صوت ختي منال وتقطع .. حسيت بحاجة في قلبي .. طلع صباح واحد من جيران يجري ويقول لقيتها .. لقييتها .. يما ماحكمتش رحها خرجت تجري منال لقاوها ميتة نصي تاني لقاوها طايحة في بير مكانش مغطي 😢 .. ماكنتش نفهم كلش وبت هداك كنت صغيرة مي علابالي بلي حاطة مش مليحة صرات لمنال 😞 منال ماتت وانا من تم بدا عدابي .. حياتي تبدلت حب لي كان معمر دارنا ولا كره وحقد عليا وش ذنبي انا :( والديا كرهوني خاصة يما كل يوم تضربني بابا مايحبش يقابلني ولا يقعد معايا .. داوني لدار جدي وخلاوني كنت نسمع يما تقول لجداتي ديها عليا مابقيتش نحمل نشوفها اديها قبل مانقتلها .. وينو حنانك يايما كنتي تمشطيلنا وتلبسيلنا كنتي تحبيني بزاف وش دنبي في موت ختي .. هان عليك قلبك طيشيني يا يما :( .. كبرت في دار جدي لا حنان لا حب من طرف والديا مايجيوش يزوروني كنت نتوحشهم بزاف ونحاول جدي يديني ليهم كل مرة كان يديني كانت يما ماتشوفش معايا وتعاملني كلي مكاش .. دخلت نقرا وكنت نقرا مليح ونخرج الاولى بش نفرحها نديلها شهاداتي تقطعهم وصلت لعمر 12 سنة وين فهمت بلي يما عمرها ما رح تحبني وعمرها ماتحن عليا
الجزء الثالث 💖
في عمر 12 بنت تحتاج يماها بزاف في حياتها كانو صحاباتي يحكيو يما شراتلي هك يما دارتلي هك طيبتلي هك .. كنت نشوف امهات مع ولادهم برا ابتسامة وعطف وحنانة كنت نتمنى نكون في مكانهم .. نشفا جداتي مرضت بزاف وتحتم على يما تجي عندها وتبقا معاها كنت نخاف حتى نقعد وين تقعد هي على خاطر كرهت رفضها ليا ومعاملة قاسية .. كنت نحمد ربي لي عندي جدي وجداتي صح ماعوضوليش حنانة يما مي عوضوني على حوايج بزاف ونحس بامان عندهم .. كنت خايفة يجي نهار تتحتم عليا نرجع لدارنا .. ماتت جداتي وخلاتني شكون بيا ! علاش يادنيا وش درت في حياتي بش نعيش هكا ! بقيت انا وجدي في دارو قايمتو ومع قرايتي من جيهة خلاف كان عندي امل بلي قرايتي هي لي رح تخلي يما تحبني .. عامين من ورا وفات جداتي لحق جدي حتى جدي وتخلى عليا بقيت بلا سند راح لي كان مصبرني وكان مصدر قوتي كان بمثابة بابا وقف معايا بزاف خاصة في قرايتي .. ظلمات دنيا في وجهي كتر وكتر وتحتمت عليا نعيش في دارنا كانت وصية تع جدي ليما انو نعيش معاهم ..
الجزء الرابع 💖
دخلت لدارنا اول مرة عندي عوام ماشفتش دارنا تبدلت بزاف طلعت لشومبرتي انا ومنال من صغري ماشفتهاش لقيت كلش كيما راه .. سرير تاعي وتعها تخربيشاتنا في حيوط لبسة تعنا مطبقة .. صح بيت ماتبدل فيها والو مي كانت نظيفة حسيت بلي يما كانت تنظفها كل يوم .. طلعت يما تجري وتعيط عليا اخرجي اخرجي بيت بنتي وش دخلك ليها .. حسيت موس في قلبي خرجت قفلت باب بمفتاح وقاتلي بالاكي تزيدي تفوتي لتم ! قالتلي دار واسعة .. كلمة ماخرجت من فمي رحت وحد لاشومبر بعيدة حطيت قشي فرزتها عدلتها .. حبيت نرقد ليل كامل ماقدرتش وانا نخمم في يوم لي ماتت فيه ختى بكيت بزاف تمنيت لوكان ماصراش وش صرا تخيلت حياتنا كون درك راني مع منال نحكيو ونضحكو تحكيلي سرها ونحكيلها سري مع والدينا وفرحة .. بقيت نحلم حتى رقدت .. فاتو ليام في هذيك دار كي لعوام كره تع يما وكل يوم تضربني كنت ديما محبوسة في غرفة تاعي نصلي ندعي ربي يفرج عليا .. في عامي تع باك فات عليااا صعيييب بزااف كامل لي يقراو معايا والديهم يدعموهم ويشجعوهم وانا كنت وحدي نقرا وحدي ونشجع روحي وحدي كنت نقول لروحي قرايتي برك لي رح تنفعني .. قريت وبدلت كامل مجهودي رغم حڨرة و كره وكلش مش مليح شفتو في حياتي نجحت جبت باك جبتو بتقدير مليح معدل يقدر يحققلي حلمي نولي طبيبة .. زغاريت في كل دار .. غير دارنا يما زغرتيلي رح نوليلك طبيبة .. لالا يما ماقيمتنيش وماشفتش فيا ڨاع كملت تخدم في شغل بيت كلي ماكان والو ...
الجزء الخامس 💖
كملت قرايتي في طب كنت من متفوقين ديما.. وكملت تخصص جراحة وليت نخدم الحمد الله ..حياتي في دار حاجة ماتبدلت كنت انا خيال لي حد مايشوفو حد مايقدر انجازاتي حد مايباركلي نجاحاتي ... والديا حطموني داخليا .. في وحد يوم روحت من سبيطار خلصت خدمة دخلت لدار يما في كوزينة كي عادة تخدم وقت لي كنت طالعة في دروج سمعت ماعن تكسرو ويما عيطت هبطت نجري ليها لقيتها طايحة في الارض قدمت ليها هزيتها من الارض وترافعت معاها حتى وصلتها لغرفتها فحصتها .. هذيك اول مرة نشوف وجها عن قرب من صغري ماشفتهاش اول مرة نشوف ملامحها لي بدا يبدلهم لكبر .. هزيت تلفون عيطت لبابا بش نطلعوها لسبيطار على خاطر ماعنديش معدات طبية في دارنا انا حطيت تلفون من حسيت بيد حكمتلي يدي . .. نعرفها لمسة هذي نعرفها عندها قداه يدي ماجاتش في يدها من صغري من وقت كنا انا ومنال نخرجو معاها ... ماعرفتش وش نعمل جبدت يدي لا اراديا قلتلها دك يجي بابا يديك لسبيطار .. كيما كان حال طلعناها لسبيطار وبعد فحصات عرفنا بلي عندها كونسار في راسها في مراحل متقدمة ...
الجزء السادس 💖
بدات رحلة علاج تع يما ووقفت معاها كنت انا طبيبة مسؤولة على حالتها الصحية و حبيت ندير شي لي نقدر عليه بش ترتاح .. رغم كلش دارتو فيا تبقا يما .. وحد يوم وصل وقت دواها رحت لاشومبر تعها مالقيتهاش حوست عليها حتى شفت باب لاشومبر تاعي وتع ختي مفتوحة قربت لباب حست بيا قاتلي ادخلي دخلت وانا مترددة قاتلي اقعدي قدامي.. اول مرة يما تعيطلي بحنانة وتقولي اقعدي قدامي .. قعدت بدات تحكيلي على صغرنا انا ومنال اول مرة خلقنا .. اول كلمة قلناها .. اول مرة مشينا .. كانت تضحك ساعات وتبكي ساعات وانا غير نشوف بعينيا مش مصدقة اذا هذي هي يما لي كانت تعاملني بقسوة .. وصلت لحكاية لي على جالها رانا في الحالة هدي سكتت شوي .. ومبعد قالتلي بلي كل ماتشوفني تشوف منال فيا وتتفكر ديما بلي منال ماتت .. بكات بزاف وبكاتني كي تفكرت وش فات عليا .. قولتلها وش دنبي اذا ماتت منال علاش ضيعتيلي حياتي شحال تمنيت نلحقها ومانعيشش لحياة هذي في هذيك ليلة فرغت قلبي وطلبت مني سماح وسامحتها وحضنتني ووعدتني بلي تعوضني على كلش في عمرها لي بقا كان علابالها بلي رح تموت ... بعد ليلة هذيك ذاب لجليد لي بيناتتا وطورت علاقتي بيها ولينا كل يوم مع بعضانا نخرجو ندورو .. نطبخو كيف كيف اخيرا حسييت بحنانتها و حبها ليا تبدلت حياتنا بزاف .. مام بابا طلب مني سماح وتصالحنا وعلاقتنا ولات كيما اي بنت وباباها ... جا يوم لي دير فيه يما عملية على ورم لي في راسها وصاتني قبل عملية اذا ماتت نروح لوحد باطة في بيت تعنا نلقاها تحت سرير تع منال .. وعدتها بلي مايصرالها والو وبلي رح ترتاح .. دخلت يما دير عملية ..وكنت انا من بين طقم جراحين لي رح يقومو بعملية .. .. ساعاتت وحنا مع عملية وخلصت ..
الجزء الاخير 💖
خلصت عملية والحمد الله كانت ناجحة .. وبقيت نستنا في يما تفطن بفارغ صبر .. كنت قدامها قاعدة حكمتلها يدها ونستنا .. حتى بدات تفطن وبدات تعيطلي باسمي .. قلتلها راني هنا معاك ماتخافيش يما .. قاتلي بصوت واطي وتحكي بلكلمة شفت منام مليح بزاف .. شفت منال كانت معانا في دارنا وحنا فرحانين كانت توصي فيا عليك و ... قاطعتها قلتلها يما مالازمش تحكي وتعيي روحك .. فاتو ليام يما تحسنت ورجعناها لدار وكملت فترة علاج تعها ورتاحت من مرض خبيث بمعجزة الحمد الله.. وعشنا حياة لي ماعشتهاش في صغري كلش عندي درك كيما كمت نحلم ونتمنى .. وحد نهار كنت قاعدة حتى تفكرت حكاية صندوق لي تحت سرير منال رحت بدافع فضول نعرف وش قصتو لقيت فيه ....
انا ملاك عمري 30 سنة وهذي هي حكايتي
____________
خلصت حكاية شكون يمدلنا فكرة على وش كاين في صندوق ؟!
وش رايكم في حكاية ليوم مليحة ولا لا ؟نتمنى نلقى تعليقاتكم وآرائكم 😘😘😘😘
تعليقات
إرسال تعليق